Иудаизм
Иудаизм - негізінен еврейлердің арасында кең тараған, ең көне діндердің бірі. Ертедегі еврей тайпаларының пұтқа табынушылық көпқұдайлықтан (политеизм) пайда болған иудаизм б.з.д. ҮІІ ғ. бастап жалғызқұдайлық (монотеистік) дінге айналды. Оның негізгі ерекшеліктері: Яхве деген бір құдайға және мессияға (құтқарушыға) сену, еврейлерді құдай таңдағандығы туралы догмат, діншілдердің өмірінің барлық дерлік салаларын қамтитын көптеген ырым- жорамалдар.Иудаизмнің діни ілімінің қайнар көздері- Көне Өсиет (оны христиандық та мойындайды) және Талмуд (көне кітаптарға түсініктердің жөнге келтірілген схоластикалық жүйесі). Иудалық шіркеу- синагога. Иудаизм- Израильдің мемлекеттік діні. Оның кейбір қағидалары еврей буржуазиясының реакциялық ұлттық қозғалысы- сионизмде пайдаланылады.