Йога
Йога (санскр.- байланыс, ойды жинақтау, бірлесу, терең ой)- үнді философиясындағы алты ортодоксальды жүйелердің (даршандардың) бірі. Ол санкхья философиясымен байланысты, одан айырмашылығы Құдайдың барлығын мойындайды. Йога жанды дүние құбылыстары әсерінен азат етуді көздейді. Ондағы мақсат- санадан, өзін-өзі танудан арылып, абсолюттік тыныштыққа жету не жеке жанды абсолютке, Құдайға жақындату. Мұндай рухани бостандыққа жету үшін «мен» (пуруша) білместіктің немесе адасудың нәтижесі болған материяның (пракрити) бұғауынан құтылуы (босануы) керек.Адам өзінің санасының жасырынған психикалық қызметін бақылау мен басуға үйренсе, сол сияқты материалдық объектілерге құштарлығынан босанса, ол сонда самадха күйіне, яғни жоғары шындықпен бірігу (қосылу) жағдайына жетеді. Ол үшін ерекше жаттығулар жүйесі керек.
Йоганың негізін қалаушы Патанджали деген ойшыл, дана есептеледі (б.з.д. ІІ ғ. «Йога- сутра»). Әлбетте әдебиетте оның бес бағыты туралы айтылады. Олардың әрқайсысының өз сатылары мен мақсаттары бар.