Карма
Карма (санскр.-әрекет) - көне үнді брахманизм, буддизм және индуизм ілімдеріндегі қылыққа, іс- әрекетке қарай тиісті баға беретін мистикалық заңды білдіретін ұғым. Ол бойынша, тірі жан иесінің өзінің өмірінде жасаған жақсы және жаман әрекетінің жиынтығына сәйкес кейінгі басқа өміріндегі тағдыры шешіледі: өткендегі әрекеті бүгінгіге, бүгінгісі келешектегісіне ықпал жасайды деп тұжырымдалады.Карма ұғымы қазіргі (осы) өмір қайта туулар (сансара) шынжырындағы түйіндердің бірі (одно из звеньев в цепи перерождений- сансары) және ол (өмір) адамның бұрынғы өзгерілулеріндегі (воплощения- реинкарнации) жасалған іс- әрекеттерімен анықталады деген сенушілікті бейнелейді. Карма табиғаттың заңы ретінде қабылданады және оның іс-әрекетін тоқтатуға болмайды. Жасалған іс - әрекеттен энергия сақталады және адамның кастаға (әлеуметтік жікке) жатуына, табиғи сапаларына, қоғамдық жағдайы және мінезіне әсер етіп келесі өмірінде де күші бар. Бұл процесс автоматты, Құдайдың араласуы оған әсер ете алмайды.