Ламаизм
Ламаизм - будда дінінің ірі ағымдарының бірі. Ол Тибет пен Монголияда, Непал мен Үндістанда, Жапонияда, сол сияқты Ресей Федерациясындағы Бурят, Қалмақ және Тыва (Тува) республикаларында да тараған. Ламаизм Тибетте ҮІІ ғ. қалыптасты, ал ХІІІ-ХІҮ ғ.ғ. Монголияға, Орта Азияның басқа аудандарына да кіре бастады. Бұл дінге қатысты салынған ірі монастырьлар өзінің архитектуралық, ғибадатханалық маңызымен ерекшеленеді.Будда дінінің осы ағымының монахын Лама деп атайды. Алғашқыда Тибетте Лама деп ең жоғары абыздарды атады. Кейін монах атын қабылдағандардың барлығы да Лама деп аталады. Өз тарапында ламалар гэлун, гецул және баньди (төменгі саты) болып үш дәрежеге бөлінеді.