Легизм
Легизм (лат. legis-заң, қыт. фа цзя - «заңгерлер мектебі») - қытай философиясындағы мектеп, саяси-әлеуметтік, құқықтық ілім. Негізін қалаушылар- Шан Ян және Хань Фей болып есептеледі. Осы философиялық мектептің өкілдері қоғамның саяси құрылысы адамның жүріс- тұрысының мәніне сәйкес келуі керек, ал адамдар табиғатынан залым, эгоистер және көреген емес, тоғышар. Сондықтан қоғамдағы үйлесімділікке (гармония) күшті мемелекеттік бақылау және билікке толық бағыну арқылы ғана жетуге болады.Легистер қоғам мүшелерінің барлығы да заңға бағынулары керек, ал жаза заңды бұзғандардың атақ- дәрежесіне қарамай бәріне бірдей болуға тиіс деп есептеді. Олардың ойынша, жазалау тәртіптің негізі, еркіндік- қылмысқа итереді. Легистік философия- қатаң да күшті мемлекеттік биліктің философиясы. Сондықтан «мықты мемлекет- әлсіз халық, әлсіз мемлекет- күшті халық » деген ұстанымды басшылыққа алады, яғни халық әлсіз, бағынышты болса- сонда мемлекет күшті, мықты бола алады.