Либидо
Либидо - (лат. libido- құштарлық, ұмтылыс)- австрия психологы З.Фрейд негізін қалаған психоанализ теориясындағы ұғым. Бұл термин бастапқыда сексуалды әуестіктің негізінде жататын ішкі психикалық энергияны, қуатты белгілеу үшін қолданылған, ал кейінгі, соңғы жұмыстарда адамның кез келген белсенділігінің қайнар көзі мағынасында пайдаланылған. Осыған байланысты эрос (өмір инстинкті- либидо) және оған қарсы тұратын барлық деструктивтік (қиратқыш) әуестіктердің себебі болатын танатос ұғымдары енгізілген. Олар өзара әрекетте болады, адам жүріс- тұрысының бүкіл әртүрлілігі осы екі бастаманың өзара әрекеттестігінің нәтижесі. З.Фрейд Эрос пен Танатосты бейсаналықтың мәні деп жариялады.