Магия
Магия (гр. mageia- сиқыршылық)- белгілі әрекетке (действие) және сөздерге кереметтей қасиет беріп дәріптеуші ерекше күш. Магия әрекеттері әртүрлі болады: қарапайым қимыл, зікір салу, көптеген адам қатысатын және т.б. Мақсатына орай емдік (балгерлік), зиянды (дуа), тұрмыс- тіршілікке байланысты (аң- құсты, егін даласын құнарландыру) болып ерекшеленеді.Магиялық шаралар монотеистік діндердің өзінде де үлкен роль атқарады: христиандықта икондар кереметіне деген сенім, ал исламда бойтұмарлар, киелі мазарларға түнеу, Құранды ұстану. Сол сияқты магиялық күшке деген сенімнің түрі көп. Мыс., әртүрлі ырымдар, көз тию, бақытты және бақытсыз күндер. Магияның мән- маңызы, оның дінге деген қатысы туралы қарама- қайшы пікірлер білдірілді: сиқыр, дуа, әрбір діннің қажетті бөлігі дейтіндер де, сиқыр, дуа мен дінді бір- біріне қарсы қоятындар да бар.
Магияның шығуы алғашқы қауым адамының дүниетаным деңгейімен және жаратылыстан тыс күштерге деген сенімнің күшейе түсуімен тікелей байланысты болды. Сиқырлық салт- жоралғылар адам өмірінің сан қырлы саласында: бір жағдайларда шаруашылық жұмыстарына байланыстырылады, келесі бірде некелік- жыныстық және отбасылық қарым - қатынастарға, үшінші бір жағдайда денсаулықты қорғау және ауру- кеселдерді емдеу, кейде тайпа- аралық қарым- қатынастар, соғыс және өзге де жәйттарға қатысты көрініс табады. Қазақтың дәстүрлі мәдениетінде магиялық салт - жоралғыны орындаушылар «бақсылар» болып табылады.