Материализм
Материализм (лат. materialis- заттық)- философиядағы негізгі бағыттардың бірі. Ол сонау антикалық заманнан бастау алады. Бұл көзқарас бойынша, болмыстың барлық формаларының негізі және субстанциясы ретінде материалдық бастаманы есептейді. Материя, табиғат, болмыс санадан тыс және тәуелсіз өмір сүреді. Материя бірінші және түйсіктердің қайнар көзі, ал сана екінші, туынды. Әлем және оның заңдылықтарын әбден тануға болады.Өзінің қалыптасу және даму барысында материализмнің төменгі түрлерін атауға болады:
- тұрпайы немесе аңғал материализм, ол көне дәуір философиясына тән;
- механикалық- метафизикалық материализм (ХҮІІ-ХҮІІІ ғ.ғ. тән, ағылшын ұлы ғалымы И.Ньютонның ашқан механиканың классикалық заңдарына сүйенеді);
- диалектикалық материализм (К.Маркс, марксизммен тығыз байланысты).
ХХ ғ. материалистік ойлау ғылым мен философиядағы жаңа жетістіктермен кездесті (мыс., физикадағы салыстырмалы теориясы мен кванттық механика). Осыған байланысты кейбір мәселелерді жаңаша қарастыру керектігі айтылып жүр.