Мифология
Миф, мифология (гр. mythos- аңыз, ертегі + logos- сөз, ілім)- 1) әлемді рухани- тәжірибелік игерудің амалы, қоғамдық сананың формасы және алғашқы қауымдық қоғам адамының дүниетүсінігі; 2) белгілі бір халықтың мифтерінің жиынтығы; 3) мифтер туралы ілім.Мифология- адам өзінің табиғатпен байланысын, сол сияқты қоршаған әлемнен айырмашылығын түсінетін уақыттағы рухани өмірдің бірінші формасы. Мифологияда адамның әлеуметтік өмірдің әртүрлі формаларын түсіну жүзеге асырылады, индивидтердің әлеуметтенуі, адамның және әлемнің гуманизациялануы жүреді. Мифологиялық санада барлық дүниетанымдық мәселелер бөлінді- адам мен дүниенің пайда болу проблемасы, адамның дүниедегі орны мен міндеті, т.б.
Алғашқы қауымдық адамның рухани болмысының бірінші тарихи формасы ретінде мифология қоғамдық мәдениетті дамытудың құралы рөлін атқарды. Рухани мәдениеттің формалары ретінде өнер, әдебиет, философия ең жинақталған дүниетанымдық мәселелерді шешуге қосылғанда мифологияның синкретизмі (о бастан тұтастығы) оның олармен жақындасуына көмектесті.
Мифтің (мифологияның) жалпыға ортақ теориясы жоқ. Алғаш рет миф философиясын итальяндық ойшыл, мәдениет және құқықтарихшысы, философ, мәдени антропология мен этнологияның бастаушысы (предтеча) деп саналатын Дж.Вико ұсынды. Ол миф қиял ойыны ретінде қалыптасады деп есептеді. ХХ ғ. ортасынан бастап миф этнографиялық материал ретінде зерттеле бастады.