Неомарксизм
Неомарксизм – 1) тар мағынада – Франкфурт мектебі өкілдерінің (М. Хоркхаймер, Т. Адорно, Г. Маркузе, сонымен қатар шығармашылықтарының белгілі бір кезеңдерінде Э. Фромм, Ю. Хабермас) зерттеулерін сипаттауға қолданылатын ұғым; 2) кең мағынада – марксизмді дамытуға тырысқан, ал шын мәнінде «марксизм - ленинизм» дегенді жоққа шығаратын зерттеулердің бағыттылығын білдіретін ұғым.Неомарксизм марксизмді неогегельяндық, фрейдизм, «өмір философиясы», кейінірек – экзистенциализм мен структурализм бағыттарының кейбір келешегі бар идеяларымен толықтыруға тырысқанмен, коммунистік типтегі әлеуметтік ұйым (қоғам) идеясын қабылдамады, болашақ антикапиталистік революцияны жаһандық (глобальный) катаклизм деп қарастырды. Осы көзқарастан туындайтын мәдениеттің дәстүрлі құндылықтарына қатынасты нигилизм және интеллектуалдық экстремизм маргиналдық қоғамдық жіктердің жағынан неомарксизмді қолдаудың және оның жолын қуушылықтың себебін ашады, түсіндіреді.