Политеизм
Политеизм (гр. poly – көп, theos – құдай) – пұтшылдық, көп құдайшылдық, көптеген құдайларға табыну. Ол архаикалық (көне дүниедегі) қоғамдарда рухтарға, пір-перілерге табыну негізінде пайда болды. Қоғамдық өмірдің, әлеуметтік қатынастардың, адам санасының, ой-өрісінің кеңеюі мен дамуы Құдай (Құдайлар) туралы көзқарастардың, пікірлердің, елестердің күрделенуіне, дамуына себеп болды. Соның нәтижесінде ең Жоғары Құдай және шындықтың (өмірдің) әртүрлі сфераларына сүйеуші (покровитель) болатын құдайлар туралы түсініктер пайда болады. Ерте дүниедегі және қазіргі буддизм, индуизм, синтоизм діндеріне политеистік сипат тән.