Прагматизм
Прагматизм (гр. pragma – іс-әрекет, іс, практика) – идеялардың пайдалылығы және қолайлылығы олардың тиімділігінің критерийлері болады деп қарастыратын моральдық философиядағы бағыт. Бұл ағымның негізін қалаушылар америкалық философтар Ч.С. Пирс пен У. Джемс. Кейінгі прагматистер Дж. Мид, Дж. Дьюи, Д. Хук. Прагматистердің пікірінше, идеялардың маңызы нақты нәтижелер алумен, ал олардың ақиқаттығы практикада кейінгі расталуымен анықталады. Тәжірибеде (өмірде) мақсаттарға жету амалдары ретінде әлеуметтік реконструкция, «жоғары технологиялар» (ғылыми әдістер) және ойлауды жетілдіру ұсынылады.