Секуляризация
Секуляризация (лат.saecularis-қауымдық, зайырлы)-қоғамның әртүрлі сфераларын, қоғамдық және топтық сананы, әлеуметтік қатынастар мен институттарды дін ықпалынан босату процесі. Діннің ықпалын әлсірету оның қоғамдағы орнын өзгерту, атқаратын функцияларының шеңберін тарылту, шіркеулік меншікті мемлекет немесе жеке адамдардың пайдасынан тартып алу немесе беру, діни ықпалдан мемлекеттік-құқықтық қатынастарды босату, соның ішінде шіркеудің мемлекеттен шеттетілуі, жалпы білімді шіркеу қарамағынан (басқаруынан) алу, яғни білім беру жүйесін шіркеуден ажырату және т.с.с. шараларды жүзеге асыруда көрініс табады. Әрине тарихтың барлық кезеңдерінде түгелдей осы элементтер бір мезгілде қатар қолданылды деуге болмайды, әр кезеңде нақты әлеуметтік – саяси, ғылыми-рухани ахуалдарға байланысты өз ерекшеліктері, өзгешеліктері болды.