Солипсизм
Солипсизм (лат. sоlus – жалғыз + ірsе – өзі, өзім) – сөзсіз шындық деп тек ойлаушы, танушы субъектіні мойындайтын, ал қалғанның бәрі оның санасында ғана бар болады деген философиялық көзқарас. Бұрынырақ этика шеңберінде шектен асқан эгоизм ретінде қарастырылса (мыс., Кант еңбектерінде), қазіргі уақытта гносеологиялық тұрғыда субъективтік идеализмнің шектен асқан формасы ретінде түсіндіріледі.Солипсизмнің ең дәйекті ізбасарларының бірі Дж. Беркли болды. Оның пікірінше, қабылдаудың шынайы объектілері қабылдаушының идеялары ғана болады (яғни санадағы идеялар ғана). Гносеологиялық солипсизмнің элементтері Р.Декарт, И.Кант, Э.Гуссерль, А.Шопенгауэр философиясында, сол сияқты Г.Марсель, М.Штирнер этикасында кездеседі.