Таухид
Таухид, тавхид (ар. «жалғыз ету», «ерекшелігін бекіту») – исламдық Құдайдың біреулігі мен жалғыздығының доктринасы.Оның мағынасы: Құдай біреу және одан басқа құдайлар жоқ.Бұл туралы шахада («куәлік») формуласында айтылады: «Алладан басқа Құдай жоқ және Мұхаммед – оның пайғамбары» («Нет Бога, кроме Аллаха, и Мухаммед – пророк его»).Исламның ең негізгі қағидасы – Алла тағаланың біреулігіне қылау жуытпау.Ол Құранның 112 – сүресінде (тарауында) былайша баяндалған:«Қайырымды да мейірімді Алла атынан.Былай де:«Ол – Алла жалғыз, Алла құдіретті.Ол – тумаған, туылмаған және ешқашан оған ұқсас ешкім болмаған».Алланың жалғыз Құдай екендігіне, ал Мұхаммед оның елшісі екендігіне сену және дінге илану – исламның «бес парызының» ішіндегі біріншісі болып табылады.Мұсылман ойшыларының көпшілігі үшін таухид туралы ілім дінтанудың бөлімі болып есептеледі, оның мақсаты – Құдайды танып – білу.Бірақ суфилер (сопылар) үшін бұл тек діни толғанулар мен тікелей нұрлану арқылы ғана іске асады.