Танатос
Танатос, танатология (гр. thanatos – өлім, Танатос – өлім құдайы) – өлім туралы ілім. Психоанализдің кейбір өкілдерінің көзқарасы бойынша қанағатқа (өмірге) аңдаусыз ұмтылумен қатар өлімге санасыз ұмтылуды (несознательная тяга), адам жүріс – тұрысының терең бастауларының бірін бейнелейтін ұғым.Өлімге , өзін немесе басқаларды құртуға осы ерекше ұмтылыс табиғи агрессивтіліктің себепшісі болады, ол (агр.), Фрейдтің ойынша, адам табиғатындағы биологиялық мәжбүрлікте жатыр.Танатостық сана пайымсыз (подсознательный) және әлеуметтік (қоғам мәдениетінің табиғи – заттық және рухани – нормативтік әлемі) ортасы арасындағы конфликттен туындайды. Егер осы ұмтылыс сублимацияланбаса (қоғам мен тұлғаның қажеттіліктеріне жарамды процеске, істерге айналмаса), мыс, индивидтің немесе топтың шығармашылық қызметінде, бұл адам мен қоғамды ауыр психологиялық күйге, дүниежүзілік соғыстарға, жаппай құртуға және басқа қиратушы құбылыстарға әкелуі мүмкін.Адам мен қоғамды қиратудан тек қорғау механизмдері (ығыстыру, рационализация, регрессия және т.с.с) құтқара алады.