Эрос
Эрос (гр. Еros, Еrotos) – ертедегі грек философиясында махаббаттың жасампаз күші. Оның нақтылы көрінісі ертедегі грек мифологиясында махаббат құдайы Эрот, көнеримдікте – Амур немесе Купидон болды. Гесиодта Хаос және Геямен (Жермен) бірге алғашқы үш құдайлықтың бірі. Платонда адамдар мен құдайлар әлемдерін, ізгілік пен зұлымдықты, даналық пен білместікті байланыстыратын әзәзіл, пері (демон). Аристотельде Эрос әлемнің қозғалысымен байланысты. Антикалық философиядан тыс бұл термин жиі кездеспейді. З.Фрейд өзінің психоанализ теориясында Эросты адамның психикасына күшті ықпалы бар екі күштің (Танатоспен - өліммен бірге) бірі деп қарастырады.