Философиялық терминдердің сөздігі
Әдет
Әдет (әдәт) – қоғамдағы адамдардың жүріс-тұрысына, тұрмыс-тіршілігіне қойылатын бұлжымас қағидаларға айналған моральдық талаптар, жөн-жосық, жол-жоралғы. Әдеттің қоғамдағы басты функциясы – адамдар арасындағы қатынастарды ретке келтіру.Әдеттің тағы бір мағынасы – ол адамның күнбе-күнгі тіршілік қажетіне байланысты қалыптасқан тұрақты мінез, іс-қимыл ерекшеліктерін білдіреді ("ауру қалса да, әдет қалмайды").Осы ретте әдет күнделікті өмірде қолданылатын ой тізбектері мен іс-қимыл реттілігін ұтымды, дайындықсыз, қалыптасқан түрде жүзеге асыруға себебін тигізеді. Бұл сипатта әдет саналы пайымнан гөрі адамның бейсаналық, тылсымдық қатпарларынан бастау алып отырады.
Жағымды әдет қоғамдағы тұлғааралық және топаралық үйлесімдік пен ынтымақтастықты арттырудың құралы іспеттес болса, қылық пен мінез-құлықтағы теріс әдет қауымдастық мәдениетіне кері әсерін тигізіп, тұлғалардың берекесін кетіріп және оғаш қылықтарымен өзінің де абыройы мен қадір-қасиетін төмендетеді. Жүріс-тұрыс мәдениеттілігін күнделікті өмірде дәйекті қолдану – қазіргі өркениеттіліктің маңызды талабы.
Вы можете поставить ссылку на это слово:

будет выглядеть так: Әдет


будет выглядеть так: Что такое Әдет