Философиялық терминдердің сөздігі
Өмір
Өмір – 1) өлі нәрселерден, заттардан айырмашылығы – ішкі белсенділігі бар (яғни тіршілік етуге, өмір сүруге) мәндердің (сущностей) болмыс тәсілін анықтайтын классикалық философияның термині; 2) «өмірлік әлем» («жизненный мир») философиясын анықтайтын және болмыстың реалдылығының интуитивті түсінерлік тұтастығын білдіретін классикалық емес философияның ұғымы; 3) жүйелердің заттар алмасу, тітіркенгіштік, өздігінен реттеуге, өсуге, көбеюге және ортаның жағдайларына бейімделу қабілеті бар тіршілік ету тәсілін білдіретін жаратылыстану термині. Көптеген жаратылыстану ғылымдарының, бірақ ең алдымен биологияның зерттеу объектісі болып табылады.Өмірдің мәні және оның анықтамасы туралы мәселе әртүрлі философиялық және жаратылыстанулық бағыттардың дискуссияларының пәні болды және болуда. Қазіргі ғылым өмір формаларының әр алуандылығы және олардың иелері (сақтаушылары) күрделілігі мен ұйымдасқандығы әртүрлі дәрежедегі тірі жүйелер болатындығы туралы қағиданы негіздеді. Бұл ретте тірінің ұйымдасуының келесі деңгейлері бөлінеді: организмдік, популяциялық-түрлік, биоценоздық және биосфералық. Діни доктриналар мен әртүрлі философиялық концепциялар өмір проблемасына байланысты жаратылыстанушылық ғылымдардан өзгеше көзқарастарын ұсынады.
Вы можете поставить ссылку на это слово:

будет выглядеть так: Өмір


будет выглядеть так: Что такое Өмір