Қазақша терминологиялық анықтамалық сөздік (кеден саласы)
авторлық құқық
Зияткерлік меншік саласында ғылым, әдебиет және өнер туындыларын, қойылымдарды, орындаушылықты, фонограммаларды, эфирлік және кабельдік хабар тарату ұйымдарының хабарларын (сабақтас құқықтар) жасауға және пайдалануға байланысты туындайтын қатынастарды реттейтін азаматтық құқықтың тарауы.Авторлық құқық объектілеріне сонымен қатар туынды шығармалар (аудармалар, өңделген дүниелер, аннотациялар, рефераттар, түйіндемелер, шолулар, инсценировкалар, музыкалық өңдеулер және ғылым, әдебиет пен өнер шығармаларын басқа да өңдеу түрлері); жинақтар (энциклопедиялар, антологиялар, деректер базалары) және материалдарының іріктелуі және (немесе) орналасуы жағынан шығармашылық еңбектің нәтижесі болып табылатын басқа да құрама туындылар жатады.
Ғылым, әдебиет және өнер туындысына авторлық құқық оның жасалу фактісіне қарай туындайды. Авторлық құқықтың пайда болуы мен жүзеге асырылуы үшін туындыны тіркеу, туындыны өзге де арнайы ресімдеу немесе қандай да болсын шарттылықты сақтау талап етілмейді.
Вы можете поставить ссылку на это слово:

будет выглядеть так: авторлық құқық


будет выглядеть так: Что такое авторлық құқық