арнайы кедендік режим
Тауарлардың жекелеген санаттары кедендік баждар және салықтар алынбастан және тарифтік емес реттеу шаралары қолданылмастан, Қазақстан Республикасының кедендік шекарасы арқылы өткізілетін кедендік режим.Арнайы кедендік режимге орналастыруға Қазақстан Республикасының кеден аумағынан тысқары жерлерге әкетілетін және шетелдік мекемелер мен Қазақстан Республикасының өзге де ресми өкілдіктерінің жұмыс істеуін қамтамасыз етуге арналған тауарлар; Қазақстан Республикасының кеден аумағында және одан тысқары жерлерде орналасқан Қазақстан Республикасының әскери мекемелері арасындағы кеден шекарасы арқылы өткізілетін тауарлар; теңіз, әуе және теміржол көлігі түрлерімен тасымалданатын, көрсетілген көлік құралдарының қалыпты жұмыс істеуі мен оларға техникалық қызмет көрсетуге, олардың экипажы мен жолаушыларының өмір тіршілігіне арналған борттық запастар мен кеме қорлары; кеден шекарасы арқылы өткізілетін және табиғи және техногендік сипаттағы төтенше оқиғалардың алдын алу мен жоюға арналған тауарлар, оның ішінде төтенше оқиғалардың нәтижесінде зардап шеккен адамдарға тегін таратуға арналған не коммерциялық емес қайырымдылық ұйымдарына беруге арналған тауарлар; құтқару авариялық-қалпына келтіру және басқа шұғыл жұмыстарды жүргізу мен табиғи және техногендік сипаттағы жағдайлардың алдын алу жөніндегі іс-шараларға қатысатын азаматтық қорғаныс күштері үшін қажетті тауарлар; аталған шикізаттың, не өнеркәсіптік өнімнің мүмкін болатын сұранысын айқындау мақсатында зерттеулер (сертификациялар) жүргізу үшін Қазақстан Республикасының кеден шекарасы арқылы өткізілетін шикізаттың, не өнеркәсіптік өнімнің үлгілері жатады. Бұл ретте үлгі деп осындай зерттеулерді жүргізу үшін жеткілікті шикізаттың, не өнеркәсіп өнімінің ең аз мөлшері түсініледі.