бақылауда болатын жүктер
Мемлекеттік шекара арқылы алып өтілетін және мемлекеттік малдәрігерлік қадағалауға жататын жүктер.Бақылауда болатын жүктердің түрлеріне жануарлар – үй жануарлары, жабайы жануарлар, хайуанаттар паркіндегі, цирктегі, зертханалық, декоративтік, терісі бағалы жануарлар, теңіз жануарлары және басқа гидробионаттар, құстар, аралар, балықтар, жыныстық және соматикалық клеткалы (эмбриондар, ұрықтар, ұрықтандырылған уылдырық, инкубациялық жұмыртқалар) жануарларды қоса алғанда, жануардың барлық түрлері; жануарлардан алынатын өнімдер – тиісінше өңделмей тамаққа пайдаланылмайтын ет және ет өнімдері, сүт және сүт өнімдері, балық және балық өнімдері, жұмыртқа және жұмыртқа өндірісінің өнімдері, сондай-ақ бал ара шаруашылығының өнімдері; жануарлардан алынатын шикізаттар – тері, жүн, қыл, қылшық, аң терісі, түбіт, мамық, қауырсын эндокриндік бездер, ішек-қарын, қан, сүйек, мүйіз, тұяқ, жануарларды азықтандыруға арналған жануарлардан алынатын басқа да өнімдер; малдәрігерлік препараттар, жемшөп, жемшөптік қоспалар жатады.
Қазақстан Республикасының аумағына басқа мемлекеттерден эпизоотиялық жағынан қолайлы мемлекеттік малдәрігерлік қадағалау бақылауында болатын жүктерді әкелуге мынадай талаптар сақтала отырып: уәкілетті орган белгілеген малдәрігерлік (малдәрігерлік-санитариялық) талаптарға сай болған және малдәрігерлік сертификатпен немесе малдәрігерлік куәлікпен расталған; экспорттаушы елдердің эпизоотологиялық жағдайын бағалауды ескере отырып қабылданған, Қазақстан Республикасының Бас мемлекеттік малдәрігерлік инспекторының немесе оның орынбасарының рұқсаты болған жағдайда жіберіледі.