жүктің кедендік декларациясы
Декларант беретін және тауарлар мен көлік құралдары туралы, олардың кедендік режимі туралы мәліметтерді және кедендік мақсат үшін қажетті басқа да мәліметтерді қамтитын құжат. Жүктің кедендік декларациясы мынадай жағдайларда, егер тауардың декларацияланатын легінің кедендік құны тиісті қаржы жылына арналған республикалық бюджет туралы заңда белгіленген тоқсан айлық есептік көрсеткіштен асса;тауарлардың қауіпсіздігі жөніндегі талаптарды қоспағанда, тауарларға қатысты тарифтік емес реттеу шаралары белгіленсе; Кеден Кодексіне сәйкес көзделген өзге де жағдайларда беріледі.Жүктің кедендік декларациясы алдын ала декларациялау кезінде, сондай-ақ уақытша, толық емес немесе мерзімдік кедендік декларация ретінде қолданылуы мүмкін. 54 бағаннан тұрады, толтырылу тәртібі жеке бөлек нұсқаулықпен анықталады. Декларация кешені 4 және одан көп парақты қамтуы мүмкін.