кеден құнын айқындаудың резервтік әдісі
Негізінде тауарларды кедендік бағалаудың халықаралық принциптеріне сәйкес Қазақстан Республикасының орталық кеден органы белгілейтін тәртіппен белгіленетін әдіс.Тауардың кеден құнын айқындау үшін резервтік әдісті қолданған кезде Қазақстан Республикасының кеден органдарында бар ақпарат пайдаланылады.
Резервтік әдіс бойынша тауардың кеден құнын айқындау үшін негіз ретінде: экспорт елінің ішкі рыногындағы тауардың бағасын; ол әкетілетін елден үшінші елге жеткізілетін тауардың бағасын; Қазақстанда шығарылған тауарлардың Қазақстан Республикасының ішкі рыногындағы бағасын; тауардың еркін белгіленген немесе сенімді түрде расталмаған құнын; шығындарды есептеу негізінде айқындалатын ұқсас немесе біртектес тауарлардың құнын; ең төменгі кеден құнын пайдалануға болмайды.
Тауарлардың кеден құнын резервтік әдіс бойынша айқындаған кезде екі баламалы құнның неғұрлым жоғарысын кедендік мақсатта пайдалануды көздейтін жүйені негізге қабылдауға болмайды.