кеден саясаты
Қазақстан Республикасының ішкі және сыртқы саясатының құрамдас бөлігі. Кеден саясаты өз өкілеттіктері шегінде Қазақстан Республикасының орталық атқарушы органдарының қарауына жатады. Қазақстан Республикасының экономикасын дамытуды ынталандыру және экономикалық мүдделерін қорғау, тиімді кедендік бақылауды қамтамасыз ету және Қазақстан Республикасының заң актілерінде белгіленген өзге де мақсаттар Қазақстан Республикасы кеден саясатының негізгі мақсаттары болып табылады.Қазақстан Республикасының кеден саясатының басты мақсаттары: дүниежүзілік экономикаға елдің халық шаруашылығын кіріктіру, елдің экономикалық дамуын қорғау және ынталандыру, нарықтың жұмыс жасауына жағдайлар жасау, елдің сауда және төлем теңгерімін нығайту, мемлекеттік бюджеттің кірістерін өсіру, мемлекеттің сауда-саяси ұстанымын бекіту, шетел мемлекеттерінің және олардың одақтарының кемсіту акцияларына қарсы әрекет ету, кәсіпорындар мен ұйымдардың сыртқы рынокқа шығуын қамтамасыз ету.
Нарық қатынастары жағдайында кеден саясатын жүзеге асыруда экономикалық құралдар, ең алдымен халықаралық заңды нормаларға және кеден ісі принциптеріне сәйкес жасалатын және Тауарларды суреттеу мен кодтаудың үйлестірілген жүйесіне негізделетін жаңа Кедендік тариф негізгі орынды алуы тиіс. Осы құралды қолдану халықаралық сауда жүйесіне Қазақстан Республикасының толық құқықты қатысуына жағдай жасауға мүмкіндік береді.