мерзімдік кедендік декларация
Бір тұлғаның бір тауарларды кедендік шекара арқылы тұрақты түрде уақыттың белгілі бір кезеңінде өткізетін кезеңінде мәлімдеуі.Мерзімдік декларациялау жеткізу мерзімі басталғанға дейін мерзімдік кедендік декларацияны беру арқылы жүргізіледі. Мерзімдік декларациялау рәсімін қолдана отырып тауарларды кедендік ресімдеу тәртібін кеден ісі жөніндегі уәкілетті орган айқындайды.
Егер тауарлардың Сыртқы экономикалық қызметтің тауар номенклатурасы бойынша бірдей жіктеу коды болса, олар бірдей тауарлар ретінде қарастырылады.
Егер бір тұлға күнтізбелік отыз күн ішінде бір тауардың үш және одан да артық жеткізілімін жүргізсе, ондай тауарлар Қазақстан Республикасының кедендік шекарасы арқылы бір тұлға тұрақты түрде өткізетін тауарлар ретінде қарастырылады.
Кедендік мақсат үшін, жекеленген жеткізілімдердің санына қарамастан, бір сыртқы сауда шарты (келісім-шарты) бойынша күнтізбелік отыз күн ішінде бір өткізу бекеті арқылы өткізілетін және бір кеден органында кедендік ресімдеу жүргізілетін бірдей тауарлар біртұтас тауар легі ретінде қарастырылады.
Кедендік баждар және акцизделетін тауарлар бойынша салықтар мерзімдік кедендік декларация тіркелгенге дейін немесе тіркелген күні төленеді.