толық емес кедендік декларация
Егер декларант кедендік декларацияны толтыруға қажетті бүкіл ақпаратқа өзіне байланысты емес себептер бойынша ие болмаса, онда тауарды шығаруға, кедендік төлемдерді есептеу мен төлеуге қажетті, Қазақстан Республикасының заңнамасына сәйкес тарифтік емес реттеу шараларының сақталғанын растайтын, сондай-ақ тауарларды сандық және сапалық сипаттамаларының жиынтығы бойынша сәйкестендіруге мүмкіндік беретін мәліметтер болған жағдайда берілетін декларация.Декларант толық емес кедендік декларацияны берген кезде ондағы жетіспейтін мәліметтерді кеден органы толық емес кедендік декларацияны тіркеген күннен бастап күнтізбелік отыз күннен аспайтын мерзімде жазбаша нысанда табыс етуге міндеттеме алады.
Егер кеден органы толық емес кедендік декларацияны қабылдаса, кедендік төлемдерді және салықтарды есептеу мен төлеу тәртібін қоса алғанда, толық және тиісті түрде толтырылған кедендік декларация басынан бастап берілген жағдайдағыдай шарттар мен талаптар қолданылады.