уақытша сақтау қоймасының иесі
Тауарларды алушы, кедендік брокер, тауарларға қатысты өкілеттігі бар өзге де тұлға және олардың өкілдері, олар уақытша сақтау орындарындағы тауарларды тексеруі мен өлшеуіне және кеден органының рұқсатымен тауарлардың сынамалары мен үлгілерін ала алады. Уақытша сақтау қоймасының иесі қойманы кедендік бақылауды қамтамасыз етуге қажетті тиісінше тұрғыда жайластыруға; кеден органының жұмыс уақытынан тыс кезде келген тауарлар мен көлік құралдарын қоймада не қоймаға жапсарлас, кедендік бақылау аймағы болып табылатын аумақта орналастыруды қамтамасыз етуге; уақытша сақтау қоймасындағы не оған жапсарлас, кедендік бақылау аймағы болып табылатын аумақтағы тауарлардың және көлік құралдарының сақталуын қамтамасыз етуге; кедендік бақылаудың жүзеге асырылуына жәрдемдесуге; уәкілетті орган белгілейтін тәртіппен уақытша сақтау қоймасына келіп түскен, сақтаулы және одан әкетілген тауарлар мен көлік құралдары туралы есеп жүргізуге (оның ішінде бақылау мен есепке алудың автоматтандырылған нысандарын пайдалану арқылы) және ол туралы есептілікті кеден органына табыс етуге; қойма қызметкерлері болып табылмайтын және тауарларға қатысты өкілеттіктері жоқ бөгде адамдардың сақтаудағы тауарлар мен көлік құралдарына кеден органдарының рұқсатынсыз қолжетімділігін болдырмауға; уақытша сақтау қоймасын құруға арналған лицензияның шарттарын сақтауға және кеден органдары лауазымды адамдарының сақтаудағы тауарлар мен көлік құралдарына қолжетімділігін қамтамасыз етуді және бұл адамдарға кедендік бақылау мен кедендік ресімдеуді жүзеге асыру үшін үй-жайларды, уақытша сақтау қоймасындағы жабдықтар мен байланыс құралдарын Қазақстан Республикасының заңнамалық актілерінде белгіленген тәртіппен беруді қоса алғанда, кеден органдарының талаптарын орындауға; сақтаудың ерекше жағдайларын талап ететін тауарларды сақтау жағдайында тауарларды сақтаудың арнаулы талаптарын орындауды қамтамасыз етуге; көзделген қоймадағы тауарлармен операцияларды жүзеге асырудың мүмкіндігін қамтамасыз етуге; тауарлар жоғалған не кеден органының рұқсатынсыз басқа тұлғаларға берілген жағдайда кедендік төлемдерді және салықтарды төлеуге; уақытша сақтау қоймасының қызметін тоқтату рәсіміне байланысты барлық шығындарды көтеруге міндетті.