уақытша кедендік декларация
Белгілі уақыт кезеңінің ішінде тауарлардың шамамен алынған мөлшерін өткізу туралы ниет негізге алынып, мәліметтерді мәлімдеу. Тауардың құнын декларант сатып алу-сату сыртқы сауда шартының (келісімшартының) бағасын ескере отырып мәлімдеуі мүмкін.Уақытша кедендік декларацияда белгілі уақыт кезеңінің ішінде тауарлардың шамамен алынған мөлшерін өткізу туралы ниет негізге алынып, мәліметтерді мәлімдеуге жол беріледі. Тауардың құнын декларант сатып алу-сату сыртқы сауда шартының (келісімшартының) бағасын ескере отырып мәлімдеуі мүмкін.
Егер шартта (келісімшартта) тауардың белгіленген (дәл, түпкілікті) бағасы жоқ және оны анықтау шарты ғана белгіленсе, сондай-ақ егер кедендік декларация берілетін күні өткізілетін тауардың сапасы немесе саны туралы дәл ақпарат жоқ болса, не сатып алу-сату сыртқы сауда шартында (келісімшартында) белгіленген алдын ала (бағдарлық) баға не сатып алу-сату сыртқы сауда шартында (келісімшартында) белгіленген есеп шарттарына сәйкес уақытша кедендік декларация берілетін күні белгіленген есептік баға пайдаланылады. Мұндай есептер жүргізу мүмкін болмайтын жағдайларда өткізілетін тауарды шартты бағалау кеден органы билігіндегі баға ақпараттарының негізінде жүргізіледі.
Уақытша кедендік декларацияны толтыру және оны пайдаланып кедендік ресімдеу тәртібін уәкілетті орган айқындайды. Бұл кедендік рәсім кезінде, кеден органының уақытша кедендік декларацияны тіркеген күнгі қолданыстағы нормативтік құқықтық актілер қолданылады.
Уақытша кедендік декларация жоспарланған жеткізілім басталғанға дейін кеден органына табыс етіледі.