уақытша сақтау қоймалары
Тауарларды уақытша сақтау рәсімдерін жүзеге асыруға арналып арнайы белгіленген және жайластырылған үй-жай, аумақ немесе орын.Уақытша сақтау қоймалары кез келген тауарларды уақытша сақтау рәсімдерін жүзеге асыру және кез келген тұлғалар пайдалану үшін қолжетімді ашық түрдегі қоймалар болып табылады.
Кеден органдары құратын уақытша сақтау қоймалары ашық түрдегі қоймалар болып табылады.
Жабық түрдегі уақытша сақтау қоймалары белгілі бір тауарларды немесе белгілі бір тұлғалардың тауарларын сақтауға арналған. Жабық түрдегі уақытша сақтау қоймаларын айналымы шектелген және сақтаудың ерекше жағдайларын талап ететін ерекше тауарларды әкелуді жүзеге асыратын тұлғалар бекітеді не жабық түрдегі қойманы бекіту сыртқы экономикалық қызметке қатысушылардың немесе көлік ұйымдарының қажеттеріне сай келген кезде құрылады.
Тауарлар мен көлік құралдарын уақытша сақтауға әдейі арналған қоймаларды Қазақстан Республикасының кеден органдары не отандық тұлғалар бекітуі мүмкін. Уақытша сақтау қоймалары Қазақстан Республикасы кеден органдарының лицензиясын алғаннан кейін бекітілуі мүмкін. Егер уақытша сақтау қоймасын Қазақстан Республикасының кеден органы бекітсе, аталған лицензияны алудың қажеті жоқ. Уақытша сақтау қоймасын бекітуге берілген лицензияның күшін Қазақстан Республикасының орталық кеден органы тоқтата тұруы мүмкін. Лицензияны қайтарып алу лицензиатқа қайтарып алу жайында хабарланған күннен бастап қолданылады. Лицензияны тоқтата тұру тоқтата тұру туралы шешім қабылданған күннен бастап қолданылады.