халықаралық пошта жөнелтімдері
Жай немесе Қазақстан Республикасынан тысқары жерге жөнелту үшін қабылданатын не Қазақстан Республикасына келіп түсетін, не Қазақстан Республикасының аумағы арқылы бір шет мемлекеттен екінші шет мемлекетке транзитпен өтетін тіркелетін пошта жөнелтімдері.Халықаралық пошта жөнелтімдеріне хаттар – жай, тапсырысты, құндылығы жарияланған; пошта карточкалары – жай, тапсырысты; бандерольдер мен «М» арнайы қапшықтары – жай, тапсырысты; секограммалар – жай, тапсырысты; шағын пакеттер – тапсырысты; сәлемдемелер – кәдімгі, құндылығы жарияланған; экспресс-поштаның халықаралық жөнелтімдері (Дүниежүзілік пошта одағының актілеріне сәйкес халықаралық пошта жөнелтімін жеделдетіп қабылдау, өңдеу, жеткізу) жатады.
Қазақстан Республикасы кеден шекарасы арқылы және тұлғалардың тауарлардың жеке түрлерін халықаралық пошта жөнелтілімдерімен өткізуіне өзге мемлекеттік органдардың: өсімдіктерді, өсімдіктен шыққан өнімдерді – фитосанитарлық бақылау органдарының; жануарларды, жануардан шыққан өнімдерді – малдәрігерлік қадағалау органдарының; радиоэлектронды құралдарды жеке жоғары жиіліктегі қондырғыларды – Қазақстан Республикасы Көлік және коммуникациялар министрлігі органдарының; Қазақстан Республикасы аумағында тіркелмеген дәрілік құралдарды (Қазақстан Республикасына өткізетін кезде) – Қазақстан Республикасы Денсаулық сақтау министрлігі органдарының рұқсатымен жол беріледі.
Тарихи, көркемдік, ғылыми немесе өзге де мәдени құндылыққа ие заттарды өткізу тәртібі жеке Ережелермен анықталған.
Дыбыс жазу, бейне жазу және ЭЕМ-ге ақпарат жазу заттарын шығару кедендік бақылаудың техникалық құралдарын қолдана отырып, тиісті кедендік бақылаудан соң жүзеге асырылады.
ЭЕМ және операциялық жүйе пайдаланып толтырылған ақпарат жазу заттары олар жөніндегі жөнелтушінің мәліметтері бар жағдайында өткізіледі. Олар болмаса және ЭЕМ-нің ақпарат жазу заттарын анықтап ажырату мүмкіндігі жоқ болса, кеден бастығының рұқсатымен халықаралық пошта жөнелтілімін жөнелтушіге қайтаруға құқылы.