қойма куәлігі
Тауар қоймалары тауарлардың сақтауға қабылданғандығын растап, қойма куәлігін беруі мүмкін, ол жай, қос қос қойма куәлігі түрінде болады. Қос қойма куәлігі, оның әр бөлігі және жай қойма куәлігі бағалы қағаздар болып табылады. Қос және жай қойма куәлігі кепіл нысанасы бола алады. Қос қойма куәлігі мазмұны бойынша бірдей және қажет болған жағдайда біреуін басқасынан айыруға болатын қойма куәлігінен және кепілдік куәліктен (варранттан) тұрады. Қос қойма куәлігінің әр бөлігінде: қос қойма куәлігінің тиісті бөлігінің атауы; тауарды сақтауға қабылдаған қойманың атауы мен мекенжайы; қойма тізілімі бойынша қойма куәлігінің ағымдағы нөмірі; сақтауға тауар қабылданған ұйымның атауы немесе азаматтың аты-жөні, сондай-ақ тауар иесінің орналасқан жері (тұрғылықты жері); тауардың атауы мен мөлшері, тауарларға арналған орындардың саны; қабылданған тауардың сомасы; сақтауға алынған тауардың, егер бұлай белгіленетін болса, сақталу мерзімі; сақтауға ақы төлеудің тарифтері мен тәртібі; қойма куәлігінің берілген күні; уәкілетті адамның қолы және тауар қоймасының мөрі көрсетілуге тиіс.