багаж
багажЖолаушылар мен пошта-багаж поездарында тасымалдауға қабылданған, салмағы екі жүз килограмнан аспайтын мүлік; коммерциялық тасымалдар үшін пайдаланылатын автобустар мен жүк автомобильдерін қоспағанда тасымалдау шарты бойынша тасымалданатын барлық заттар, соның ішінде көлік құралдары; буылып-түйілген және көлік құралының арнайы бейімделген бөлімшесінде немесе осы көлік құралы үшін белгіленген арнайы бейімделген көлікте тасымалданатын жолаушы мүлкі.
Шет мемлекеттік дипломатиялық өкілдігінің басшысы, шет мемлекет өкілдігінің дипломатиялық құрам мүшелері, консулдық лауазымды адамдар, сондай-ақ олармен бірге тұратын отбасы мүшелерінің иелігіндегі теңдеме жүктер, егер онда Қазақстан Республикасына әкелуге Қазақстан Республикасы Үкіметінің нормативтік актілерімен тыйым салынған немесе арнайы ережелермен реттелетін яки жеке немесе ресми пайдалануға арналмаған заттар болмаса, кеден тексеруінен босатылады. Мұндай жүктерді тексеру көрсетілген адамдардың немесе олардың өкілетті өкілдерінің қатысуымен ғана жүргізілуі мүмкін.
Өздерінің қызметіне тұруға яки сол қызметіне қайтып келе жатқан немесе Қазақстан Республикасының аумағы арқылы өз еліне кетіп бара жатқан шет мемлекеттер өкілдіктері лауазымды адамдарының жеке жүгіне де осындай тәртіп қолданылады.