декларация таможенной стоимости
кедендік құн декларациясыҚР әкелінетін тауарлардың кедендік құнын мәлімдеу мақсатында ҚР кеден органына ұсынылатын, декларант толтыратын құжат. Кедендік құн декларациясы еркін айналыс үшін тауарларды шығару немесе тауарлар экспортының кедендік режимінде Қазақстан Республикасының кедендік аумағы арқылы өткізілетін барлық тауарларға толтырылады. Егер бір келісімшарттың шеңберінде әлденеше рет беруді, сондай-ақ әртүрлі келісімшарттар бойынша белгілі бір алушының мекенжайына белгілі бір тауарды бір жөнелтушінің қайталап беруін қоспағанда, әкелінетін (әкетілетін) тауарлар легінің кедендік құны тиісті қаржы жылына арналған республикалық бюджет туралы заңда белгіленген тоғыз жүз айлық есептік көрсеткішке барабар сомадан аспаса; Қазақстан Республикасының кедендік шекарасы арқылы жеке тұлғалар өткізетін тауарларға Қазақстан Республикасының Үкіметі белгілеген норма мен шарттар сақталса, кедендік құн декларациясы толтырылмайды.
Кедендік құн декларациясытиісті жүктің кедендік декларациясына қосымша және онсыз жарамсыз болып табылады.丫КҚД-ға міндетті тәртіппен Қазақстан Республикасының кеден шекарасы арқылы өткізілетін тауарлардың кедендік құнын мәлімдеу және түзету тәртібіне, шарттарына қойылатын талаптарға сәйкес құжаттар ұсынылады (белгіленген талаптарға қарай – түпнұсқалар немесе куәландырылған көшірмелер).丫КҚД 3 данада толтырылады, олардың: бірінші данасы кеден органында қалады; екінші данасы декларантқа беріледі; үшінші данасы кедендік кірістер (кеден төлемдері) бөліміне жіберіледі.丫КҚД-1 мен КҚД-2-ның нысандары негізгі екі парақтан тұрады: біріншісінде (бет жағына), кедендік құнды айқындаудың қандай да бір әдісін қолдану мүмкіндігі туралы деректер мәлімделеді; екінші парағында кедендік құн мен оның элементтері туралы мәліметтер көрсетіледі. Үшіншісінен бастап КҚД-ның барлық парақтары қосымша болып табылады.