дивиденды
дивидендтерКомпанияның акционерлерінің арасында акциялардың санына қарай бөлінетін пайдасының бөлігі.
Дивидендтер – акциялар бойынша төленуге тиісті табыс; қордың басқарушы компаниясы пайларды сатып алған кезде пайлар бойынша табыстарды қоспағанда, пайлық инвестициялық қордың пайлары бойынша төленуге тиісті табыс; заңды тұлға өз құрылтайшылары, қатысушылары арасында бөлетін таза табыстың бір бөлігі; заңды тұлғаны тарату кезінде, сондай-ақ құрылтайшының, қатысушының заңды тұлғаға қатысу үлесін алып қойған кезде, құрылтайшының, қатысушының жарғылық капиталға салым ретінде енгізген мүлкін қоспағанда, мүлікті бөлуден түсетін табыстар.
Қоғам акционерлерінің жалпы жиналысының шешіміне сәйкес қоғамның өз акционерлеріне оларға тиесілі акциялар бойынша төлейтін сыйақысы дивиденд болып табылады. Дивидендтер ақшамен, сондай-ақ акционердің келісімімен сол қоғамның бағалы қағаздарымен төленеді. Дивидендтердің бір акцияға есептегендегі мөлшерін қоғамның директорлар кеңесі белгілейді.
Акционер қоғам берешегінің пайда болған мерзіміне қарамастан алынбаған дивидендтерді төлеуді талап етуге құқылы. Алынбаған дивидендтер бойынша сыйақы (мүдде) есептелмейді. Қоғам айналысқа шығармаған немесе орналастырмаған, немесе сатып алмаған акциялар бойынша дивидендтер төленбейді.
Артықшылықты акциялар бойынша дивидендтерді төлеудің тәртібі мен ең төменгі мөлшері олардың эмиссия проспектілерімен белгіленеді. Артықшылықты акциялар бойынша есептелетін дивидендтердің мөлшері осы кезеңдегі жай акциялар бойынша есептелетін дивидендтердің мөлшерінен аз болмауы тиіс. Артықшылықты акциялардың иелеріне есептелетін дивидендтер толық көлемінде төленгенге дейін жай акциялар бойынша дивидендтер төленбейді. Акционерлік қоғамның ұйымдық-құқықтық нысанында құрылған коммерциялық емес ұйымдар акциялар бойынша дивидендтер төлемейді.