дипломатическая почта
дипломатиялық поштаҚазақстан Республикасының кедендік шекарасы арқылы өткізілетін шетел мемлекеттерінің дипломатиялық поштасы кеден органдарының ашып қарауына да, ұстап қалуына да жатпайды және оларды тек сырттай қарайды. Дипломатиялық поштаны құрайтын барлық орындардың олардың сипатын көрсететін көзге көрінерлік сыртқы белгілері болуға тиіс және оларда тек дипломатиялық құжаттар мен тек қана ресми пайдалануға арналған заттар болуға тиіс.
Дипломатиялық пошта арқылы кедергісіз байланыс орнату құқын Қазақстан Республикасы дипломатиялық және консулдық қарым-қатынас жасайтын мемлекеттердің Сыртқы істер министрліктері (ведомстволары), Қазақстан Республикасында тіркелген, өз мемлекеттерінің үшінші елде өкілдіктері бар осы мемлекеттердің дипломатиялық және консулдық өкілдіктері пайдаланады.
Қазақстан Республикасының шекарасы арқылы өтіп бара жатқан дипломатиялық поштаны ашуға да, тоқтатуға да болмайды. Дипломатиялық поштаны құрайтын барлық түйіншектерде өздерінің жай-жапсарын білдіретін көрнекті сыртқы белгілері болуы керек және оның ішінде тек қана ресми пайдалануға арналған дипломатиялық құжаттар мен заттар болуы тиіс.
Дипломатиялық курьерге оның статусы мен дипломатиялық поштаны құрайтын орны, саны көрсетілген ресми құжат (курьер парағы) беріледі. Құжатқа осыған өкілетті қызметкер қол қояды және дипломатиялық поштаны жөнелтуші мекеменің мөрімен куәландырылады.
Дипломатиялық пошта сонымен бірге тек осы дипломатиялық поштаны алып бару үшін тағайындалған уақытша дипломатиялық курьерге сеніп тапсырылуы мүмкін (дипломатиялық курьер ad hos) және оған ресми құжат (курьер парағы) беріледі. Уақытша дипломатиялық курьерге Ереженің осы бөлімінде қарастырылған кедендік жеңілдіктер беріледі. Мұндай жеңілдіктер дипломатиялық поштаны тиісті жеріне тапсырған сәттен бастап тоқтатылады.
Дипломатиялық пошта ұшып келуіне рұқсат берілген әуежайды бетке алған азаматтық әуе кемесінің командиріне сеніп тапсырылуы мүмкін. Бұл ретте әуе кемесінің командиріне дипломатиялық поштаны құрайтын орын санын көрсету арқылы ресми құжат (курьер парағы) беріледі, алайда ол дипломатиялық курьер болып саналмайды. Өкілдіктер дипломатиялық почтаны әуе кемесінің командирінен тікелей және кедергісіз алу үшін өз қызметкерлерін жібере алады.
Егер дипломатиялық пошта ішкі кеден мекемесінің пунктінде орналасқан өкілдікке немесе ұйымға шетелдің көлік құралдары арқылы тікелей жеткізілсе, онда шекаралық кеден органының кедендік қамтамасыз етуіндегі мұндай пошта ішке енгізу үшін қызмет аймағында осы өкілдік бар кеден органына жіберіледі. Осы кеден органы Қазақстан Республикасынан жөнелтілетін дипломатиялық поштаны ресімдеуде де осылай жүргізеді.