залог
кепілМіндеттемеге сәйкес несие берушінің (кепіл ұстаушының) борышқор кепілмен қамтамасыз етілген міндеттемені орындамаған ретте кепілге салынған мүлік құнынан осы мүлік тиесілі адамның (кепіл берушінің) басқа несие берушілердің алдында артықшылықпен қанағаттандырылуға құқығы бар міндеттеменің орындалуын қамтамасыз етудің әдісі.
Кепіл ұстаушының кепілге салынған мүлік кімнің пайдасына сақтандырылғанына қарамастан, оның жоғалғаны немесе бүлінгені үшін, егер жоғалу немесе бүліну кепіл ұстаушы жауап беретін себептер бойынша болмаса, сақтандыру өтемінен сол бұрынғы негізде қанағаттандырылуға құқығы бар.
Кедендік төлемдердің және салықтардың төленуін қамтамасыз ету мақсатында кепілге салынатын зат: азаматтық айналымнан алынған мүлікті; Қазақстан Республикасына әкелуге не Қазақстан Республикасынан әкетуге тыйым салынған тауарларды; электр, жылу және өзге де энергия түрлерін; тез бұзылатын тауарларды; мүліктік құқықтарды; Қазақстан Республикасының шегінен тыс жердегі мүлікті; өткізу мүмкіндігі шектеулі мүліктерді қоспағанда, үшінші тұлғалардың мүліктік құқығынан бос кез келген тауарлар мен мүлік болуы мүмкін.
Кепіл заттың нарықтық құны кеден төлемдерін және салықтар төлеуді қамтамасыз ету мақсатында, кеден төлемдері мен салықтар жөніндегі міндеттемелердің мөлшерінен төмен болмауға тиіс, оларды төлеу, кепіл затты сату шығыстарын қоса алғанда, кепіл затпен қамтамасыз етіледі.
Егер кеден органы өзге шешім қабылдамаса, кепіл кезінде кепілге салынатын зат кепіл берушіде қалады. Төлеуші қабылдаған, қамтамасыз етілуі үшін кепіл ресімделген міндеттеме орындалғанға дейін кепіл берушінің кепілге салынған затқа билік етуге құқығы жоқ.
Кепілді ресімдеу Қазақстан Республикасының азаматтық заңнамасына сәйкес жүзеге асырылады. Кепілге салынған затты өндіріп алу Қазақстан Республикасының заңнамасына сәйкес жүргізіледі.