инкотермс
инкотермсЖалпы қабылданған қағидаттар мен тәжірибені білдіреді, сату-сатып алу шарты бөлігі бола алады. Инкотермс соңғы кезде 10 жыл сайын (1980, 1990, 2000 жж.) қайта қаралуда. Терминдер міндеттемелердің атқарылу дәрежесіне қарай төрт топқа біріктірілген, бұл олардың атынан-ақ сатушылардың, тауарларды сатып алушылар мен көрсетілетін қызметтердің негізгі құқықтары мен міндеттерін сипаттауға мүмкіндік береді. Бұл - сатушының тек қана тауарды өз қоймаларында сатып алушының иелігіне беру жөніндегі ең аз міндеті (EXW); сатушының тауарды тасымалдау үшін сатып алушыға тапсыратын кеңірек міндеті (FCA, FAS, FOB); сатушы таңдайтын тасымалдаушы тасымалдау ақысын төлейді (CFR, CPT), сонымен қатар тасымалдау уақытындағы ықтимал тәуекелдерге қарсы сақтандыруды жүзеге асырады (CІF, CІP); сатушының межелі пунктінде тауарды тапсыруды жүзеге асыру жөніндегі барынша көп міндетті атқарады (DAF, DES, DEQ, DDU, DDP). F әрпі сатушының сатып алушының есебінен тәуекелден бос белгілі бір тасымалдаушыға тауарды беруге міндетті екенін білдіреді. C әрпі сатушының тәуәкелді таратудың өзекті сәті басталған соң тауар жоғалған немесе бүлінгеннен кейін белгілі бір шығындарды көтеруге міндетті екенін білдіреді. D әрпі тауардың келісілген межелі орынға келіп жетуі тиіс екенін білдіреді.