классификация товаров
тауарларды жіктеуСыртқы экономикалық қызметтің тауар номенклатурасы бойынша тауарлардың кодын (кодтарын) белгілеу. Тауарларды декларациялау кезінде декларант олардың Сыртқы экономикалық қызметтің тауар номенклатурасы бойынша кодын дұрыс көрсетпеген жағдайда кеден органы мұндай тауарды өз бетінше жіктеуге құқылы.
Тауарларды жіктеу – қарастырылатын тауарларды СЭҚ ТН-ге сәйкес нақты тауарлық позицияларға, субпозицияларға, кіші позицияларға жатқызу. Тауарларды жіктеу негізгі белгілерге тауар атқаратын функция; тауар жасалған материал дегенге негізделіп жүргізіледі.
Бұл ретте, СЭҚ TH-ды түсіндірудің негізгі ережелерін қолданумен өңдеудің дәрежесін және бөлімдерге, топтарға (оның ішінде тауар позицияларына ескертулерді қамтитын), субпозицияларға ескертулерді, сондай-ақ спецификалық жіктеу мәселелерін шешуге қызмет ететін қосымша ескертулерді есепке ала отырып, тауарлық шағын субпозицияға тауарларды бірыңғай жатқызудың қағидаты сақталады.
Тауарларды жіктеу кезінде кеден органдары тауарға ілеспе құжаттарда көрсетілетін мәліметтерді, сондай-ақ қорытындыларды, анықтамаларды, экспорт елінің ЖКД-ын, сараптамалық ұйымдар беретін, көмекші (ақпараттық) сипатта болатын және тауарларды жіктеу кезінде назарға алынатын сараптама актілерін пайдаланады.
Сондай-ақ, тауарларды жіктеу кезінде Дүниежүзілік кеден ұйымы Үйлестіру жүйесі комитетінің Жіктеу пікірлерінің компендиумы, Қазақстан Республикасы Қаржы министрлігі Кедендік бақылау комитетінің алдынала жіктеу шешімдерінің базасы, Комитеттің, Ресей Федерациясы Федералды кеден қызметінің, Дүниежүзілік кеден ұйымының түсіндірмелері де пайдаланылады.
Сараптама жүргізілген тауарларды жіктеу кезінде кеден зертханасы немесе сараптама бөлімі (бөлімшесі) сарапшысының не тауарлардың тәуелсіз сараптамасын жүзеге асыратын тіркелген сынақ зертханасының тауарды зерттеулер нәтижесі туралы актісінің (анықтамасының) қорытындылары назарға алынады.