контейнеры
контейнерлерАзық-түлік және халық тұтынатын өндірістік тауарларды, өндірістік және басқа ұйымдарды материалдық-техникалық жабдықтау заттарын, азаматтардың үй мүліктерін және контейнерге жарамды басқа жүктерді ыдыссыз әрі қаптамасыз, алғашқы қаптамада немесе жеңілдетілген ыдыста және қаптамасыз қосымша бекітумен тасымалдауға арналған сыйымдылықтар. Контейнерлерде тез бұзылатын және қауіпті жүктерді тасымалдауға рұқсат беріледі. Жүкжөнелтушілермен/ жүкалушылармен, тасымалдаушылармен, басқа тұлғалармен оларға тиесілі емес контейнерлерді тасымалдау үшін пайдалануға, оның ішінде, егер тиісті шарттарда басқаша көрсетілмесе, мұндай контейнерлердің иесінің рұқсатынсыз жүктерді сақтауға да, рұқсат берілмейді.
Ірітонналық контейнерлерде тез бұзылатын жүктерді тасымалдаудың тәсілі жөнелтушімен белгіленеді және жүкқұжатының «Жүкжөнелтушінің ерекше өтініштер» бағанында көрсетіледі. Ондай нұсқау жоқ болса, жүкті суытудың, желдетудің, жылытудың немесе оны изотермиялық контейнерде тасымалдаудың қажеттілігі жоқ деп саналады. Тез бұзылатын жүктердің тасымалдау тәсілін таңдаған кезде жүкжөнелтуші жүктің барлық жүріс жолындағы тасымалданатын жүктің барынша мүмкін болатын тасымалдану ұзақтығын, жыл мезгілі мен климаттық жағдайларды ескереді. Жүктерді тасымалдау тәсілі мен контейнердің түрін қате таңдаудың салдарлары және өзге талаптар үшін жүкжөнелтуші жауап береді.
Тасымалдаушыға тиесілі контейнерлерде сасық, контейнерлердің ішкі бетін ластайтын жүктерді тасымалдауға рұқсат берілмейді, тасымалдағаннан және түсіргеннен соң оларды залалсыздандыру талап етіледі.