регистрационный номер налогоплательщика
салық төлеушінің тіркеу нөміріСалық төлеуші ретінде оны мемлекеттік тіркеу және Қазақстан Республикасы салық төлеушілерінің мемлекеттік тізіліміне ол туралы мәліметтерді енгізу кезінде салық және бюджетке төленетін басқа да міндетті төлемдердің барлық түрлері бойынша салық төлеушіге берілетін бірыңғай нөмір.
Салық төлеушілерді, мемлекеттік тіркеуді уәкілетті мемлекеттік орган салық төлеушінің тіркеу нөмірін беріп және салық төлеуші салық органына мемлекеттік тіркеу туралы өтініш бергеннен кейінгі екі жұмыс күні ішінде оған салық төлеушінің куәлігін бере отырып жүзеге асырады.
Салық төлеушінің тіркеу нөмірі салық төлеуші ұсынатын салық есеп-қисабы құжаттарында, сондай-ақ салық міндеттемелерінің орындалуына байланысты өзге де құжаттарда көрсетілуге тиіс.
Салық төлеушінің тіркеу нөмірін салық органы оның салық міндеттемелеріне қатысты жіберілетін салық төлеушінің барлық құжаттарында көрсетуге тиіс.
Салық төлеушінің тіркеу нөмірін беру, өзгерту және оны жарамсыз деп тану тәртібін уәкілетті мемлекеттік орган айқындайды.