страна происхождения товара
тауардың шығарылған еліТауар толық өндірілген немесе Кеден кодексінде белгіленген жеткілікті дәрежеде қайта өңдеу өлшемдеріне сәйкес жеткілікті дәрежеде қайта өңделген ел тауардың шығарылған елі болып есептеледі. Тарифтік және тарифтік емес реттеу шараларын қолдану мақсаты үшін елдер тобы және елдердің кеден одақтары, ерекшелеу қажет болса, елдің өңірі немесе бөлігі тауардың шығарылған елі деп есептелуі мүмкін.
Тауарды жеткілікті дәрежеде қайта өңдеудің өлшемдері - Сыртқы экономикалық қызметтің тауар номенклатурасы бойынша тауар кодының тауарды қайта өңдеу нәтижесінде болған алғашқы кез келген төрт белгінің деңгейінде өзгеруі; бұл операциялар орын алған ел тауардың шығарылған елі болып есептелуіне жеткілікті өндірістік немесе технологиялық операцияларды орындау; құнының проценттік үлесі түпкі өнімнің бағасында тіркелген үлесіне жеткен кездегі тауар құнының өзгеруі (адвалорлық үлес ережесі).