таможенные платежи
кедендік төлемдерҚазақстан Республикасында мынадай кедендік төлемдер қолданылады: кедендік баж; кедендік алымдар; алымдар; алдын ала шешім үшін төлемақы.
Кеден органдары демпингке қарсы, қорғау және өтемдік баждарды Қазақстан Республикасының заңнамасында белгіленген тәртіппен және жағдайларда алады.
Кедендік төлемдердің ставкалары мынадай түрлерге: салық салынатын тауарлардың кедендік құнына процентпен есептелетін – адвалорлық; салық салынатын тауарлардың бірлігі үшін белгіленген мөлшерде есептелетін – ерекшелікті; кедендік төлемдер ставкаларының аталған екі түрін де ұштастыратын – құрамдас болып бөлінеді.
Кедендік баждар тауарларды кедендік режимдерде декларациялау кезінде төленеді, бұларға орналастыру жағдайы Қазақстан Республикасының кедендік тарифіне сәйкес кедендік баждарды төлеуді белгілейді.
Кедендік алымдарға кедендік ресімдеу үшін кедендік алым; кедендік ілесіп алып жүру үшін кедендік алым; тауарларды сақтау үшін кедендік алым жатады.
Кедендік төлемдер қолма-қол ақшамен және қолма-қол ақшасыз төлеу тәртібімен төленеді.
Кедендік төлемдерді төлеуді төлеуші не кедендік төлемдер енгізілетін төлеушіні көрсете отырып, үшінші тұлға жүзеге асыра алады. Кедендік төлемдер Қазақстан Республикасының ұлттық валютасымен төленеді.
Кедендік төлемдер тиісті уәкілетті мемлекеттік органмен келісім бойынша кеден ісі мәселелері бойынша уәкілетті орган айқындайтын тәртіппен бюджетке аударылады.