таможенный приходный ордер
кедендік кіріс ордеріДерекқорға енгізгеннен кейін қатаң есептілік бланкісі болып табылады және кедендік төлемдер мен салықтарды есептеу мен бақылауды, кедендік ресімдеуді жүзеге асырушы кеден органының уәкілетті лауазымды тұлғасы толтырады.
Қажет болған жағдайда, түптелген үш парақтардан тұратын кедендік кіріс ордерінің қосымша парағы (бұдан әрі – ККОҚП) инспектор-орындаушы толтырады.
ККОҚП-нің парақтары тиісінше ККО-нің парақтарына қоса тігіледі және ККО-нің ажырамас бөлігі болып табылады. Әрбір ККОҚП-да тауарлар атауының 7-ге (жетіге) дейінгі деректерін толтыруға болады, ККО-да тұтастай алғанда тауарлар атауының 50-ге (елуге) дейінгі деректерін толтыруға болады.
Кеден органының лауазымды адамы арнайы бағдарламалық қамтамасыз етуді пайдалану арқылы ККО мен ККОҚП қалыптастырады және негізгі парағын басады.
Форс-мажорлық жағдай (электр энергиясы және т. б. болмаған) салдарынан туындаған жағдайларда, кейін оларды міндетті түрде форс-мажорлық жағдаят салдарын жойған сәттен бастап екі жұмыс күнінің ішінде жасап, дерекқорға енгізе отырып, ККO және ККОҚП-ны баспа машинасында жазып толтырады. Жеке тұлғалар тауарларды (Қазақстан Республикасының Үкіметі бекіткен салмақ және құн нормасы шегінде) жолаушы ұсынатын кедендік декларация негізінде оңайлатылған тәртіппен не заңды немесе жеке тұлғалар белгіленген үлгідегі (тиісті қаржылық жылға Республикалық бюджет туралы Заңмен белгіленген он айлық есеп көрсеткішінен аспайтын декларацияланған тауарлар партиясының кеден құны және тауарлардың қауіпсіздігі бойынша талаптарды қоспағанда, тарифтік емес реттеу шаралары белгіленбеген тауарларға қатысты) ұсынған өтініштердің негізінде өткізген кезде, кеден органының лауазымды тұлғасы арнайы бағдарламалық қамтамасыз етуді пайдалану арқылы ККО-ның электронды көшірмесін жасайды, не кейін оларды міндетті түрде жасай және деректер базасына енгізе отырып ККO баспа машинасында жазып толтырады. Мәлімделген кеден құнының толық еместігі туралы негіз бар болған кезде кеден органы өз бетімен тауардың кеден құнын айқындауы мүмкін.