таможенная экспертиза
кедендік сараптамаҚазақстан Республикасының кедендік шекарасы арқылы өткізілетін тауарлардың сапалық құрамын анықтау үшін, олардың Сыртқы экономикалық қызметтің тауар номенклатурасына сәйкес дұрыс жіктелуі, сондай-ақ құжаттардың және сәйкестендіру құралдарының түпнұсқалығын тексеру үшін зерттеу жүргізу.
Тауарлар, кедендік және өзге де құжаттардағы тауарлар туралы мәліметтер, сәйкестендіру құралдары кедендік сараптамалардың объектілері болып табылады. Кедендік сараптаманы кедендік зертханалардың мамандары жүргізеді. Сараптаманың түрлеріне қосымша, қайталама, комиссиялық, кешендік сараптамалар жатады.
Қосымша сараптамажаңадан ашылған жағдаяттар бойынша тағайындалады. Қосымша сараптаманы жүргізу бастапқы сараптаманы орындайтын сарапшыға немесе басқа сарапшыға тапсырылуы мүмкін.
Қайталама сараптамаСЭҚ қатысушы сараптаманы тағайындаған кеден органы мен кеден зертханасына сарапшының қорытындысына келіспейтіндігі туралы жазбаша хабарлаған жағдайларда, бастапқы сараптама жүргізілген объектілерді зерттеу және сол мәселелерді шешу үшін тағайындалады. Қайталама сараптама басқа сарапшыға немесе сарапшылар тобына тапсырылуы мүмкін.
Комиссиялық сараптаманыбір мамандықтағы сарапшылар тобы жүргізген кезде кеден зертханасының бастығы сараптама тобының басшысын тағайындайды. Жалпы қорытындыға біріккен зерттеудің нәтижелерін бағалауға қатысқан және бір байламға келген барлық сарапшылар қол қояды.
Кешендік сараптамағамәселелерді бірлесіп шешу және жалпы қорытынды жасау үшін әртүрлі мамандықтағы сарапшылар қатысады, бұл ретте әрбір сарапшы өз пәніне жататын мәселелерді зерттейді.
Кедендік сараптама кеден зертханасының үй-жайында да, егер бұл зерттеу сипаты бойынша қажет болса не зерттеу объектісін сараптауға жеткізу мүмкін болмауына байланысты, одан тысқары жерлерде де өткізіледі. Сарапшы кеден зертханасы басшысының жазбаша өкімі бойынша ғана кедендік сараптаманы жүргізуге кіріседі. Кедендік сараптаманың нәтижесі бойынша сарапшының қорытындысы беріледі.