ілкі
үст. 1. Ең бірінші, алғашқы, әуелгі. – Ең і л к і жұмыс: электр станциясына канал қазылады (Ғ.Сланов, Замандас., 26). 2. Ертедегі, бұрынғы, о бастағы, ілгергі. Осы өлкеде мал бағып, егін салып, ұрпақ өсірген і л к і қазақтар қашаннан сексеуіл өсіріп құмға бөгет қойыпты (Д.Досжанов, Жолбарыс, 121). Аңдап қараған кісіге і л к і заманғы диқандардың тартқан атыз-арықтары әлі де білектің тамырындай көгеріп көрінеді (Қаз. әдеб., 26. 05. 1972, 1).