айқұлақ
Iзат. зоол. Үлкендігі бір қарыстай, құлағы жарты ай сияқты, сарғыш кесіртке. – Балам, бұл а й қ ұ л а қ қой. Жібер, жанды жануарды жәбірлеме дегесін жіберіп едім, ол үйдің көлеңкесінен кетпей қойды. Оның құлағы «айқұлақ» деген атына сәйкес қызарған жарты ай сияқты екен (Қаз. пионері, 29.09.1971, 3).
II
зат. зоол. Суда тіршілік ететін ұлулардың бір түрі. Басы болмайтын ұлуға қосжақтаулылар класына топтастырылған, тұщы су мен теңіздерді мекендейтін – а й қ ұ л а қ, мидия, устрицалар жатады (Р. Сәтімбеков.., Қызықты биология, 39). Қосжақтаулыларға жататындар: а й қ ұ л а қ, мидия, устрица т.б. (Бұл да, 40).
III
зат. Балықтың желбезегін жауып тұратын, жарты ай тәріздес сүйек. Балық дем алғанда а й қ ұ л а қ бір көтеріліп, қайта жабылып тұрады (Аймақтық сөзд., 27).
IV
зат. Эл ектрондық пошта арқылы хабар жібергенде пайдаланылатын, дөңгелек сызық ішіне «а» әрпі жазылған шартты таңба (Бекіт. термин., 7).