ақсары
Iзат. бот. Шөл-шөлейтті жерлерде өсетін құнарлы шөп. Туғанбайдың қыстауы Серіккен атты жерде. Мұнда балықкөз, а қ с а р ы, жантақ, жусан өседі. Осы өсімдіктерді дұрыс пайдалану арқасында оның қойлары қыстан әрі күйлі, әрі семіз шығып келеді (С. Әбдірайымов, Шөл жайылым., 60).
II
зат. бот. Тарының бір сорты. Биік бойлы, шашақ басы біраз иіңкі; дәні ірі, шығымды. Қуаңшылыққа төзімділігі орташа, ылғалды жақсы тілейді (Қаз. дәнді дақыл., 125).
III
сын. Ақ түс пен сары түстің аралығынан шыққан түс, ақшыл сары түс.