аяқ
Аяғына су түсті. Ұзақ жүрістен кейін жақсы суытылмай отқа жіберілген атта болатын ауру; аяғына жем түсті. Көрінген мініп, ақыры а я ғ ы н а с у т ү с і п, мүсәпір болып жатысы анау (Ш. Мұртазаев, Интернат., 47). Аяғын шауып алды. Ат шапқанда артқы аяғымен алдыңғы аяғын басып қалып, жарақаттап алды. Күржік кешегі бәйгеде а я ғ ы н ш а у ы п а л д ы. Енді ол көкпарға да жарамайды (Т. Әлімқұлов, Ел мен жер, 49). Аяғыңды аттама. Келме, жолама. Аяқ көрік. Ұсталықта қолданылатын, қолмен емес, аяқпен іске қосылатын көрік. Дөңгелектің иінді білігіне жалғасқан табанілдірікті (педаль) басып а я қ к ө р і к т і іске қосады (Қаз. этнография., 1, 298). Аяққа жығылды. Кінәлі адамның өзі айыпты болған адамның аяғына жығылып, кешірім сұрады. А я қ қ а ж ы ғ ы л у – кешірім сұраудың ең ауыр түрі. А я қ қ а ж ы ғ ы л ғ а н соң, қандай ауыр күнә болса да кешіріледі (А. Нүсіпоқасұлы.., Ағаш бесік., 1, 137). Аяқ су. Арықпен жетектеп жүріп суғаратын су. Биыл су тапшы болғандықтан, жұрт а я қ с у д а н үміт үзіп, күші келгені шығыр, күші келмегені атпа құруға кіріскен-ді (Ж. Арыстанов, Жалынды., 237). Бірер жетіден кейін шошқаны сықақтау а я қ с у ғ а айналды (Ғ. Мүсірепов, Ұлпан, 278). Аяқ суытты… Саудагерлердің [Қоянды жәрмеңкесіне] барарда атын айдап, қайтарда малын жайып қайтып жүргенде осы жерге ол талай түнеген, а я ғ ы н с у ы т қ а н (Ы. Тникин, Жомарт., 62).