балтамтап
зат. этногр. Ойын бастаушы дөңгелене тізіліп тұрған балалардың бірін «Балтамды тап» деп түртіп қалады. Ол оған тиісті жауабын қайтарып, «Балтаңды мынау алды» деп екінші адамды түртеді. Осылайша ойын біреу сөзден жаңылғанша немесе реті ойынды алғаш бастаушыға жеткенше жалғаса береді (А. Нүсіпоқасұлы. Ағаш бесік., 4, 98). Б а л т а м т а п ойыны балаларды сергектікке, сезімталдыққа баулып, өзгелер өзіне орынсыз талап, өтірік жала жапқан жағдайда сасқалақтамай, қорықпай, табандылық танытуға дағдыландырады (А. Нүсіпоқасұлы.., Ағаш бесік., 4, 99). «Б а л т а м т а п» ойыны той-думан қызып, іргелі ойындар басталмай тұрып, зеріккенде ойналады (Ойын-сауық, 177).